Friday, 20 January 2012
எழிலான ஏந்தலர் எங்கள் முஸ்தஃபா
கனிவான காவலர் ஷஃபீயுள் முத்னியின்
ஒளிவான உத்தமர் உதய தினத்திலே
ஏற்றியே போற்றுவோம் இதயதீபமே
( எழிலான ஏந்தலர் )
உங்கள் முகம் ரோஜா சுடரொளிருமே
உம் கன்னம் முல்லை மணம் வீசுமே
வியர்வையோ கஸ்தூரி மணம் கமழுமே
உங்கள் உமிழ் நீர் இனிய தேனாகுமே
( எழிலான ஏந்தலர் )
கண்மணியை கண்ட கண்கள் குளிர்ச்சியடைந்ததே
கல்புகள் துலும்பாமல் சாந்தி பெற்றதே
தங்களை பார்த்த நாட்கள் சந்தோஷம் பெற்றதே
பெருநாட்களாக தன்னையும் மாற்றி விட்டதே
( எழிலான ஏந்தலர் )
பூமான் நபியே இமாம் பூசிரிக்கு
அணிவித்த போர்வை போல் எமக்கு வேண்டுமே
போர்வையை போர்த்திய பாச நபியே
எங்கள் மேனியில் அணிவிப்பீர் உம் பாச போர்வையை
( எழிலான ஏந்தலர் )
