நபியே ஸலாம் அலைக்கும்
தூதரே ஸலாம் அலைக்கும்
எம் நேசரே ஸலாம் அலைக்கும்
இறையருள் உம்மீது ஒளிரும்

முழுமதி எம்மீதுதித்ததே
மற்றொளியெல்லாம் மங்கி மறைந்ததே
அழகொளிர் உங்கள் முகம் போல்
அண்ணலே யாம் கண்டதில்லை

மதியுடன் கதிரொளியும் நீரே
மாசில்லா பேரொளியும் நீரே
பிணியகற்றும் அருமருந்தும் நீரே
உள்ளிருளகற்றும் ஒளிவிளக்கும் நீரே

எம் பாசரே! யாமுஹம்மது!
பார்க்கெலாமினிய மாணளரே
சீர்மிகு கிப்லாவிரண்டிற்கும்
சிறப்புயர் தலைவர் நீரே

உம் பூ முகம் கண்டோர்க்கு ஜெயமே
எம் பெற்றோரினு மினிய அன்பாளரே
குளிர் மிகு நும் துய்ய ஹவ்ழில்
மறுமையில் யாம் பருக வேண்டும்

சிறு பெரும் பிழைகள் யாவும்
இழிவுறும் இன்னல்கள் யாவும்
அகற்றிடும் அன்பாளர் நீரே
எம்மாருயிர் பண்பாளர் நீரே

நன்மையின் நன்நேசர் நீரே
நிலை உயர்த்தும் நாதர் நீரே
எம்பாவப் பிழைகள் யாவும்
பொறுத்தெம்மை என்றும் காப்பீரே

ஆழிய மெஞ்ஞான வேந்தே
எம் உளமிறைஞ்சல் ஏற்போர் நீரே
நலமுறு நற்செயல்களாற்ற
நாயனே நமக்கருள்வாய்