Sunday, 22 January 2012
வெண்மனிக் கடலும் தன்னிசை அலையால்
அண்ணலின் புகழினை பாடும் பாடும்
பொன்மணிக் குயிலும் இன்னிசை குரலால்
கண்மணி நபியினைத் தேடும் தேடும்
சந்தன மணம் கொண்டு அந்தியின் தென்றல் வந்து
சுந்தர தலைவர் புகழினை பாடும்
மெல்லான சிரிக்கும் மல்லிகைப் பூவும்
வள்ளலின் வருகைக்கு சுகந்தம் தூவும்
சுள்ளென எரிக்கும் சூரிய கதிரும்
சொர்கத்து வேந்தருக்கு சோபிதங்கள் கூறும்
எண்ணத்தில் நிறைந்து மனக் கிண்ணத்தில் உறைந்து
முன்னவன் தூதர் புகழ் பாடிடுவோம்
வானத்தை பிளக்கும் மின்னல்கள் யாவும்
ஞானத்தின் வேந்தருக்கு மாலைகள் சூடும்
வானத்தில் மிளரும் வானவில்கள் யாவும்
புண்ணிய தூதருக்கு பொன்னாடை போர்த்தும்
எண்ணத்தில் நிறைந்து மனக் கிண்ணத்தில் உறைந்து
முன்னவன் தூதர் புகழ் பாடிடுவோம்
