Friday, 20 January 2012
நபிநாயகமே தாஹா நபியே - எங்கள்
நெஞ்சை கொள்ளை கொண்ட இறைதூதரே
உம்மை நெஞ்சார நேசிக்கின்றோம் அண்ணலே
உங்கள் பேரில் ஸலவாத் சொல்லுகிறோம்
( நபி நாயகமே )
சுபுஹுக்கு முன்னும் தொழுகைக்குப் பின்னும்
தவறாமல் ஸலவாத் ஓதுகிறோம்
வாரங்கள் தோறும் வெள்ளிகிழமையன்று
ஸலவாத் அதிகமாய் ஓதுகிறோம்
( நபி நாயகமே )
நபி மொழிகளை நாம் செவி சாய்ந்து கேட்கிறோம்
நபி சொன்னதை நாம் சட்டமென்று ஏற்கிறோம்
உம்மை நெஞ்சார நேசிக்கின்றோம் அண்ணலே
உங்கள் பேரில் ஸலவாத் சொல்லுகிறோம்
( நபி நாயகமே )
ஆண்டாண்டு தோறும் ரபியுல் அவ்வல் மாதம்
மௌலிது உங்கள் பேரில் ஓதுகின்றோம்
மீலாது நபியும் வருடங்கள் தோறும்
விழாக் கொண்டாடி மகிழ்கிறோம்
( நபி நாயகமே )
உம்மை காணாமல் உயிர் பிரிந்து போகும் போகுமா?
உம்மை காணும் எங்கள் ஆசை நிறைவேறுமா?
உம்மை நெஞ்சார நேசிக்கின்றோம் அண்ணலே
உங்கள் பேரில் ஸலவாத் சொல்லுகிறோம்
( நபி நாயகமே )
