Sunday, 22 January 2012
நாவினில் நாளும் நயந்தரும் நாமம்
நபிமணி தாஹா உங்கள் நாமம்
காவினில் பூக்கும் கவின் மலர் தேனின்
கனிசுவை யூட்டும் கண்ணிய நாமம்
( நாவினில் )
இறைவனும் வானின் அமரரும் அன்பாய்
இதமுடன் வாழ்த்தும் எழில் மிகு நாமம்
இறைவனின் தூய அர்ஷதன் மேலே
எழுத்தினில் வாகாய் இலங்கிடும் நாமம்
( நாவினில் )
இறைவனை தாழ்ந்தே வணங்கிடும் போதும்
இசைவுடன் தீனோர் இயம்பிடும் நாமம்
பாவத்தில் நீந்தும் புவியினர் நெஞ்சில்
பண்பது மேவ உதவிடும் நாமம்
( நாவினில் )
காசினி இதழில் சரித்திர ஏட்டில்
கனகத்தின் வரியாய் திகழ்ந்திடும் நாமம்
அஹ்மத் என்றும் முஹம்மது என்றும்
அனைவரும் போற்றி புகழ்ந்திடும் நாமம்
( நாவினில் )
