தேனின் ஞான இன்பமுதை தெவிட்டிடா தெமக்கீந்த
தன் மதி ஒளி நீரே
ஓளியாய் மிளிர்ந்தெங்கள் விழி தன்னில் ஜொலித்திடும்
நிறைமதி எம் நூரே
உம்மின் புகழோதி மகிழ்ந்திடுவோம்

உள்ளமை ஒன்றென உரைத்தவர் நீரே
உண்மையில் ஓரிறை காணச் சொன்னீரே
கண்டவர் வென்றவர் என்றுரைத்தீரே
வேற்றுமை இருளோட்டி பாரில் ஞானத்தின் விதை தூவி
விதையினில் நிறைந்த நல் தரு தரும் கனியதின் சுமை எமின்
பெருமானேநாவால் பாகூறி குளிர்ந்திடுவோம்

முஹம்மது எனுமுயர் சுகவன நாமம்
சுவனத்தின் வாசலில் சூடியே நாயன்
பார்த்தகம் குளிர்ந்தே அழகுயர் முஹமதின்
தரிசனம் தந்து மகிழ்ந்தானே
தரணியில் அருள் மழை பொழிந்தானே

ஆதியில் ஜோதியாய் அழகுற ஜொலித்து
மேதியில் ஆதமாய் அவனியில் ஜனித்து
புகழ்மிகு தீபத்தில் புவிவானம் படைத்து
மலரென மணம் வீசி மங்கா தாரகையாய் மின்னி
மண்ணில் ஃபஹ்மென்னும் பரிதியாய் ஞானந்தூவும்
பரமனின் ஒளியென பிறந்தீரே
எம்மின் மருளதை களைந்தீரே