நாயகம் பிறந்த நல் தினமது நலம் பெற
நாடிடுவோம் எமின் தோழர்களே / தோழியரே
தாயகமாய் ஜெக ஜோதியாய் புவிதனில்
பிறந்த நல்தினத்தை கொண்டாடிடுவோம்

உச்சிக்கு நெய்யிட்டு கண்கள் சுருமாயிட்டு
இலட்சணமாகவே சுன்னத்துடன்
திங்கள் சுடரொளியாய் எங்கும் ஜொலித்திடும்
எங்கள் நபி தினத்தை கொண்டாடிடுவோம்

சன்மதம் முழங்கிடும் விக்ரகம் கவிழ்ந்திடும்
சாஷ்டாங்கமுடன் நபி பிறந்தனரே
சுத்த மிஸ்தூலம் கஸ்தூரிகள் முழங்கிடும்
சத்திய தினத்தை கொண்டாடிடுவோம்

மலர் கமழ் வீசிடும் வானோர்கள் போற்றிடும்
பலர் புகழ் ஹாஷிம் திசை மதி போல்
மாதாகி ஆமினா குத்ரத்தில் வந்திடும்
நாயகம் தினத்தை கொண்டாடிடுவோம்

பரமனின் மேடையில் மயில் ரூபம் கொண்டவர்
வரம் தர பாடிடும் (நூஹின்) எங்கள் துதி
தேனினும் இன்பமாய் அவதார நபி தினம்
நானிலமே நலம் பெற கொண்டாடிவோம்