இறைநூரில் வந்த நூரே அன்பே ரஸூலுல்லாஹ்வே
விண்மேகம் வாழ்த்து கூறும் வள்ளல் ரஸூலுல்லாஹ்வே
அறியாமை போக்க வந்தீர் நபியே!
அறியாமை போக்க வந்தீர் இறை அருமை நபிகள் நீர்
இறைநூரில் வந்த நூரே அன்பே ரஸூலுல்லாஹ்வே

ஈமானின் ஏற்றம் காண ஈடேற்ற பாதை சொன்னீர்
ஆராய்ந்து பார்க்க சொல்லி அருள் வேதம் வாங்கி தந்தீர்
ஓயாத தியானத்தாலே உயர்வான ஆற்றல் கண்டீர்
ஆதாரமான தீனின் - உயிரே
ஆதாரமான தீனின் அடிவேரும் ஆகி நின்றீர்
இறைநூரில் வந்த நூரே அன்பே ரஸூலுல்லாஹ்வே

மக்காவில் உங்கள் வாக்கை நம்பவில்லை ஜாஹில் கூட்டம்
மதீனாவில் உரைத்த போது மனதார ஏற்ற மார்க்கம்
அல்லாஹ்வின் ஆசி சூழ வையம் தந்ததிந்த மார்க்கம்
உண்மை உண்டான தீனின் - உயிரே
உண்மை உண்டான தீனின் உயிராக வாழ வந்தீர்
இறைநூரில் வந்த நூரே அன்பே ரஸூலுல்லாஹ்வே