الامانَ يا رسول الله الشفاعةََ يا رسول الله
الراحة يا رسول الله الخلاصَ يا رسول الله
الامانَ يا رسول الله الشفاعةََ يا رسول الله
الراحة يا رسول الله الخلاصَ يا رسول الله

சொர்க்கத்தில் வாழும் மக்கத்து நிலவே யாரஸூலல்லாஹ் - உங்கள்
சுந்தர வதனம் எப்படி இருக்குமோ யாரஸூலல்லாஹ்
சொல்லாலே அதனை சொல்ல முடியுமோ யாரஸூலல்லாஹ் - இந்த
கண்ணாலே அதனை காண முடியுமோ யாரஸூலல்லாஹ்

தந்தையின் முகத்தை நீர் பார்த்ததுமில்லை யாரஸூலல்லாஹ் - பெற்ற
தாயின் துணையையும் நீடிக்கவில்லை யாரஸூலல்லாஹ்
துன்பத்தின் இறுதி எல்லைக்கு சென்றீர் யாரஸூலல்லாஹ் - பெரும்
துயரத்தையே இங்கு வாழ்வாகக் கண்டீர் யாரஸூலல்லாஹ்

தந்தையின் கல்லறை காணச் சென்றீர் யாரஸூலல்லாஹ் - அங்கு
தாயையுமிழந்து தன்மையாகினீர் யாரஸூலல்லாஹ்
எத்தனை துன்பம் எத்தனை துயரம் யாரஸூலல்லாஹ் - இதை
எப்படியேற்று அமைதி கொண்டீரோ யாரஸூலல்லாஹ்

தாயிஃப் நகர மக்கள் தந்த கொடுமையினை யாரஸூலல்லாஹ் - நீங்கள்
தாங்கி நின்ற விதம் என்னென்று சொல்வேன் யாரஸூலல்லாஹ்
விண்ணும் அழுததிந்த மண்ணுமழுதது யாரஸூலல்லாஹ் - படித்த
கண்ணும் அழுதழுது கண்ணீர் வடிக்குதே யாரஸூலல்லாஹ்

அண்ணல் உங்கள் அழகைக் காணாது யாரஸூலல்லாஹ் - எந்தன்
ஆவி பிரிந்தாலும் அமைதி கிடையாது யாரஸூலல்லாஹ்
கொஞ்சும் அழகே கோடி நிலவே யாரஸூலல்லாஹ் - கெஞ்சி
கெஞ்சி பாடியும் கேளாத நிலையே யாரஸூலல்லாஹ்

பாரினில் நானினி வாழும் நாளிலே யாரஸூலல்லாஹ் - உங்களை
பார்த்து நல்லாசிகள் வாங்கிட வேண்டும் யாரஸூலல்லாஹ்
பால் முகம் தன்னை பார்த்து மகிழனும் யாரஸூலல்லாஹ் - உங்கள்
பாதத்திலே ஒரு முத்தம் இட வேண்டும் யாரஸூலல்லாஹ்

صلى الله على محمد صلى الله عليه وسلم
صلى الله على محمد صلىالله عليه وسلم
صلى الله علي محمد يارب صل عليه وسلم