விழி நீர் மல்க கரங்களை ஏந்தி
வேண்டுகிறோமே பெருமானே
அருளால் உங்கள் அடியவர் எம்மை
அணைத்தருள் புரிவீர் எம்மானே

பாதமில்லாது வாணிலே தவழும்
பரிதியும் நானும் நும் அழகில்
பகல் இரவெல்லாம் பார்த்தகம் குளிர்ந்து
பருகிட அமுதம் தருவீரே

ஆதரவின்றி அடியவர் நாங்கள்
அடைக்கலம் தேடி அலைந்திடும் நாள்
ஆதியின் தூதே ஜோதியின் உருவே
தஞ்சமருள்வீர் தாஸீமே

ஜகந்தனில் ஜனித்து கபன் தனில் புகுந்து
கபுரினை நோக்கும் தருணமதில்
தாமதமின்றி தாங்களே வந்து
தனிமையை போக்கும் ஹாமீமே

மதியினை இழந்து மானிடர் நாங்கள்
ஆற்றிய பாவப் பிழை நீக்கி
பாதைகள் மாறி பறந்திடாதெம்மை
பரிவுடன் காப்பீர் ஃபஹீமே

இனித்திடும் சொல்லில் கணத்திடும் கல்லும்
கரைந்திடும் வண்ணம் நும் வதனம்
வாசல் வந்தோமே வறியவர் நாங்கள்
யாசகம் தருவீர் யாஸீனே